Fimmtudagur 11. febrúar

Gestur Heiðursmanna var að þessu sinni Páll Magnússon bæjarritari Kópavogs. Á fundinum hóf Maríus máls á því hvað Heiðursmenn geta gert til að fjölga félögum SÁÁ. Hann gerði að tillögu sinni að hver og einn Heiðursmaður safnaði einum nýjum félagsmanni í hverjum mánuði og þetta átak skildi standa í 12 mánuði. Svona átak gæti skilað SÁÁ verulegum fjármunum. Þetta mæltist vel fyrir.

Fimmtudagur 28. janúar

Gestur Heiðursmanna að þessu sinni er Gísli Einarsson fréttamaður á RUV. Gísli Einarsson er flestum kunnur en hann er frétta- og dagskrárgerðamaður á Ríkisútvarpinu. Þekktastur er Gísli fyrir þætti sína Út og suður, en einnig fyrir sveitalegt fas og skemmtilega framkomu. Gísli var óalandi og óferjandi nemandi og hafði það að leiðarljósi að gera kennurum sínum lífið leitt. Spurning hvernig honum gengur með Heiðursmenn SÁÁ sem hafa ýmislegt á

samviskunni líka. Skorað er á Heiðursmenn SÁÁ að mæta og taka með sér gesti.

Fimmtudagur 14. janúar

Heiðursmenn SÁÁ funda á Vogi, fimmtudaginn 14.janúar. Fundurinn hefst að venju kl 12:00. Fundarefni þessa fyrsta fundar ársins er „Hvernig viljum við haga starfi Heiðursmanna SÁÁ“ . Heiðursmenn hafa sannað sig sem öflugur bakhjarl SÁÁ og mikilvægt er að starfið sé lifandi og kröftugt. Skorað er á heiðursmenn SÁÁ að mæta og taka með sér gesti.