SÁÁ

Könnun

Á SÁÁ að þróa sérstaka meðferð fyrir einstaka hópa eða ætti sama meðferðin að duga fyrir alla?

Gátlisti fyrir Vog

 

Fyrir þig sem ert á leiðinni til meðferðar á Vogi er mikilvægt að hafa nokkur atriði í huga

Landslög kveða svo á um að allar sjúkrastofnanir landsins skulu vera reyklausar og þar er Vogur engin undantekning. Þess vegna er búið að útbúa skýli utandyra fyrir þá sjúklinga Vogs sem reykja. Hafa skal í huga oft verða veturnir kaldir á Íslandi og því gott að hafa meðferðis hlý nærföt til að klæðast innan undir náttfötin sem sjúklingum okkar er skylt að vera í.

 

Einnig skal tekið fram að gefnu tilefni að samkvæmt reglum Vogs er ekki leyfilegt að koma með eða fá senda bangsa eða önnur leikföng og ekki er æskilegt að mæta með GSM síma eða útvarp.

 

Nauðsynlegt er fyrir sjúklinga að hafa eftirfarandi gátlista í huga við undirbúning komu á Vog:

  • náttföt til skiptana og náttslopp
  • nærföt og sokka
  • ullarnærföt til að nota innan undir náttföt
  • inniskó
  • snyrtidót
  • pening fyrir símakorti og/eða sælgæti
  • sígarettur
  • bækur eða annað lesefni 
  • lyf-lyfjakort

 

  

 Reynslusögur á RÚV !

Umfjöllun morgunútvarps Rásar 2 um sjúkdóminn og batann hefur vakið athygli. Fyrst var frábært viðtal við Guðlaugu Kjartansdóttur og í öðrum þætti brilleraði Arnar Eggert. Í þriðja þættinum var viðtal við Önnu Jónu Ármannsdóttur og mæltist henni vel að vanda. Hún hefur verið edrú í 30 ár. Svo heyrum við sögu Valgeirs Skagfjörð í fjórða þættinum. Mælum margfalt með þessum viðtölum á Rás 2.

 

 

Nora í 60 MINUTES

Viðtal 60 mínútna við mestu áhrifamanneskju í fíkniheimum í dag, Íslandsvininn Noru Volkow, forstöðukonu NIDA, bandarísku fíknirannsóknarstofnunarinnar. Viðtalið er að hálfu um þekkingu á fíkn og að hálfu um afa Noru; félaga Trotskí. Og hér svarar hún hvað séu hættulegastu fíkniefnin.